Sida ay u shaqayso Soo Celinta Alaabta & Lacagtu

Waxa ugu muhiimsan ee ay tahay inaad ogaato waa: Suuqle marnaba ma hayo lacagtaada. Markii aad wax iibsanaysay, lacagta waxaad si toos ah ugu dirtay xisaabta ganacsadaha adigoo isticmaalaya xawaalad. Sidaas darteed, Suuqle si toos ah lacag kaagama celin karo nidaamkiisa. Soo celinta lacagtu waxay toos u dhex martaa adiga iyo dukaanka aad wax ka iibsatay.

Haddii aad u baahato in lacagta laguu soo celiyo, tallaabada ugu horraysa waa inaad la xiriirto dukaanka. Tus rasiidhkaagii (payment proof) aad nidaamka soo gelisay iyo dalabkaaga nambarkiisa. Dukaamo badan oo ku jira Suuqle waxay leeyihiin siyaasad wanaagsan oo ay alaabta ku beddelaan ama lacagta ku soo celiyaan haddii khalad dhaco.

Maxaa dhacaya haddii dukaanku uu diido inuu xalliyo cillad jirta ama uu lacagta celiyo? Halkan ayay awooddeenu timaadaa. In kasta oo aanan xisaabtooda bangiga geli karin, haddana annaga ayaa maamulna dukaankooda Suuqle. Haddii dukaan la xaqiijiyo inuu macaamiisha dhibaateeyay ama uu diiday inuu bixiyo xaq macmiilku leeyahay, waxaan qaadaynaa tallaabooyin adag, oo ay ku jirto in dukaankaas gabi ahaanba laga xiro madasha Suuqle. Ganacsatadu ma rabaan inay lumiyaan ganacsigooda online-ka ah, taas ayaana ku qasbaysa inay si xaq ah kula dhaqmaan.