Xeerka Ilaalinta Xogtaada

Si aad si fudud wax uga iibsato ama dukaan uga furato Suuqle, waxaan u baahanahay macluumaad aasaasi ah. Kuwaas waxaa ka mid ah magacaaga, ciwaankaaga email-ka, lambarka taleefanka, iyo goobtaada (ciwaanka laguu keenayo alaabta). Xogtan waxaan u isticmaalnaa inaan ku diiwaangelino, inaan dukaanka u fududayno keenista dalabkaaga, iyo inaan kula soo xiriirno marka loo baahdo.

Suuqle waa suuq kulmiya dukaamo kala duwan. Marka aad wax ka iibsato dukaan gaar ah, ganacsadaha iska leh dukaankaas wuxuu arkayaa magacaaga, nambarkaaga, iyo ciwaankaaga si uu alaabta kuugu soo gaarsiiyo. Ganacsatada madashayada ku jira waxaa ka reeban inay xogtaada u isticmaalaan arrimo ka baxsan dalabkaaga.

Tani waa mid aad muhiim u ah: Suuqle ma kaydiyo lambarada xisaabaadkaaga bangiga ama kaararkaaga. Sababtoo ah lacagta waxaad si toos ah ugu dirtaa ganacsadaha adigoo isticmaalaya xawaaladaha maxalliga ah sida Bank transfer, eBirr, CoopayEbirr, ama Kaafi. Dukumiintiga kaliya ee aynu hayno ee lacagta la xiriira waa rasiidhka (payment proof) aad soo geliso nidaamka si dalabkaaga loo xaqiijiyo. Rasiidhkaas si ammaan ah ayaa loo kaydiyaa (private storage), waxaana arki kara oo kaliya adiga iyo ganacsadaha aad wax ka iibsatay.

Xogtaada adigaa iska leh. Gabi ahaanba waad tirtiri kartaa koontadaada (Account) iyo xogta ku xiran wakhti kasta oo aad u baahato. Suuqle marnaba kama iibinayo xogtaada shakhsiga ah cid saddexaad, kumana sameynayo xayeysiin aanad raali ka ahayn.

Haddii aan wax isbedel ah ku samayno nidaamkayaga ilaalinta xogta, waxaan si cad kuugu soo ogeysiin doonaa madasha ama email ahaan.